आउ साथी मार्च गरौं
तिम्रो सुकेको घाँटी
मेरा झरेका आँसुले भिजाउं
तिम्रा भिजेका परेला
मेरा दग्ध छातीमा दलौं।

तिम्रो फुटेको मुटु
मेरो बहेको रगतले रसाऔं
मेरो फाटेको हिया
तिम्रो काटेको छालाले टालौं।

मलाई रोपेको सियोले
तिम्रो गढेको काँडा झिकौं
तिमीलाई ठोकेको नेलले
मलाई छोपेको माटो फालौं।

मलाई कसेको डोरीले
तिम्रो खण्डित आशा बाधौं
तिमीलाई धसेको खुकुरीले
मलाई कसेको डोरी काटौं ।
आऊ साथी काँधमा काँध मिलाऊ ।

The poet is my Dad,again, and I dedicate this to you,dear Sangharsha….